23 Тохсунньу 23.01
  • -48°
  • $ 73,82
  • 83,32

Ньурба улууһун социальнай эйгэ тэрилтэлэрин үлэтин миниистир көрдө

СӨ үлэҕэ уонна социальнай сайдыыга миниистирэ Елена Волкова салайааччылаах дэлэгээссийэ кулун тутар 3 күнүгэр Ньурба улууһугар “Арчы” сокуоннай саастарын туола илик оҕолору реабилитациялыыр кииҥҥэ, улуустааҕы социальнай көмүскэл управлениетыгар сылдьан үлэ кэлэктииптэрин кытары көрсүстэ. Бу туһунан суруналыыс Антонина Семенова инстаграм сирэйигэр таһаарда.


Бырабыыталыстыба бөлөҕө үлэ-хамнас туһунан, социальнай эйгэҕэ сыһыаннаан нэһилиэнньэни кытары үлэ хайдах ыытылларын ыйыталастылар. Маны таһынан, соторутааҕыта аһыллыбыт «Нюрба-Молл» атыы киинигэр таарыйан, социальнай хантараагынан субсидия ылан, бэйэ дьыалатын арынан үлэлиир эдэр үлэһиттэри кытта көрсөн, үлэлэрин билистилэр.

Улуус дьаһалтатыгар саҥа тэриллэн үлэлиэхтээх СӨ ГБУ «Ньурбатааҕы улуустар икки ардыларынааҕы дьиэ кэргэҥҥэ уонна оҕоҕо көмөнү оҥоруу комплекснай киин” кэлэктиибин кытары көрсүһүү онлайн киэбинэн ыытылынна. Көрсүһүүгэ СӨ үлэҕэ уонна социальнай сайдыыга миниистирэ Елена Волкова сокуоннай саастарын туола илик оҕолору реабилитациялыыр «Арчы» киини Ньурбатааҕы доруобуйаларынан хааччахтаах оҕолору реабилитациялыыр киини кытта холбуур туһунан билиһиннэрдэ. Улууска бу икки улахан тэрилтэ холбоһор түгэннэригэр туох уларыйыы барыахтааҕын, ханнык ыарахаттары көрсүөхтэрин сөбүн туһунан кэпсэтии буолла. Сокуоннай саастарын туола илик оҕолору реабилитациялыыр «Арчы» киин дириэктэрэ муус устар 1 күнүттэн комплекснай киин салайааччытынан ананарын туһунан миниистир иһитиннэрдэ.

“Арчы” киин дириэктэрэ Марианна Алексеева, доруобуйаларынан хаччахтаах оҕолору реабилитациялыыр киин салайааччыта Самангади Дондокова бэйэлэрин санааларын эттилэр. Ааспыт сылга бүрүүкээбит пандемия ыарыытын кэмигэр Ньурбатааҕы доруобуйаларынан хааччахтаах оҕолору реабилитациялыыр киин салайааччыта Самангади Базарсадаевна кыһаллан үлэлээбитин туһунан миниистир бэлиэтээн ааста. Ньурбатааҕы доруобуйаларынан хааччахтаах оҕолору реабилитациялыыр киин медико-социальнай отделение сэбиэдиссэйигэр Валентина Ефремоваҕа СӨ Бырабыыталыстыбатын Бэрэссэдээтэлин солбуйааччы Ольга Балабкина грамотатын үөрүүлээх быһыыга-майгыга миниистир туттарда.

Демография уонна дьиэ кэргэн бэлиитикэтин эпиэкэҕэ уонна саастарын туола илик оҕолор, кыаммат дьон бырааптарын көмүскээһиҥҥэ Департамент салайааччытын солбуйааччы Лана Петрова көрүүтэ-истиитэ суох хаалбыт оҕолору көрүү, оҕону иитиигэ ылыы, оҕону төрөппүккэ төннөрүү, эпиэкэ туһунан билиһиннэрдэ.

Дэлэгээссийэ салгыы Ньурбатааҕы улуустар икки ардыларынааҕы кырдьаҕастар уонна инбэлииттэр интэринээт-дьиэлэригэр сылдьан үлэ-хамнас туһунан билсистэ.

0
0
23 января 23.01
  • -48°
  • $ 73,82
  • 83,32