Суздаль куорат төрүттэммитэ 1000 сылыгар кикбоксиҥҥа “Золотое кольцо” Бүтүн Россиятааҕы күрэхтэһии буолла. Турнирга 40 регионтан барыта 700 спортсмен оҕо кыттыыны ылла.
Тохсунньу 23-27 күннэригэр буолбут кикбоксинг күрэхтэһиитигэр спортсменнар саастарынан биэс бөлөххө араарыллан рингэҕэ үс дисциплинаҕа көрсүбүттэр: фулл-контакт, лайт-контакт уонна лоу-кик.
Намнааҕы “Олимпик” спорт оскуолатын иитиллээччитэ Габышев Ярослав кикбоксинг лоу-кик дисциплинатын 54 киилэлээхтэригэр 2 миэстэ буолла. Ярослав тренерэ Дмитрий Черноградскай салалтатынан дьарыктанар.
Үрдүк ситиһии “Олимпик” спорт оскуолатын киэн туттуута буолар.
@gazetaensieli
