Нам улууһугар тэрилтэлэр салайааччылара уонна бэрэстэбиитэллэрэ кыттыылаах хантараагынан сулууспа тула кэпсэтии тэрилиннэ. Сүбэ мунньаҕы улуус баһылыга Юрий Слепцов салайан ыытта, диэн иһитиннэрэр «Эҥсиэли» хаһыат.
Санаа атастаһыытын түмүгүнэн нэһилиэнньэ, тэрилтэлэр үлэһиттэрин ортолоруттан баҕа өттүнэн Арассыыйа Сэбилэниилээх күүстэригэр хантараагынан сулууспалыы барыыга өйдөтөр үлэни күүһүрдэргэ этилиннэ. Үүнэр көлүөнэни, ыччаты төрөөбүт сири-уоту, дойдуну таптыырга, кининэн киэн туттарга иитэр суолталаах тэрээһиннэри ыытарга, тэрилтэлэргэ контрагынан сулууспаҕа анаммыт истиэндэлэри оҥорон ыйыырга, онно туһаайыллыбыт ис хоһоонноох баннердары туруорарга, хаһыакка патриотическай тыыҥҥа иитэр ис хоһооннох матырыйааллары бэчээттииргэ, социальнай ситимҥэ оннук хабааннаах иһитиннэриилэри тарҕатарга о.д.а. ыйыы-кэрдии оҥоһулунна.
Тэрилтэлэр салайааччыларыгар хантараагынан сулууспаҕа сыһыаннаах буклеттар тарҕатылыннылар.
Касьян Олесов-Олук
