13 От ыйа 13.07
  • 24°
  • $ 87,74
  • 95,76

Манчаары оонньууларыгар бастакытын атын регион волонтердара кыттыахтара

Читайте нас на
Яндекс Новости
ЯДВ

“Горнай улууһа” МО дьаһалтатын ыччат политикатыгар кылаабынай исписэлииһэ Сардана Туралысова Манчаары оонньууларын тэрээһинигэр 175 киһи кыттыахтааҕын билиһиннэрдэ. Үлэ сүрүннээн Одунуга, Бэрдьигэстээххэ туһаайылларын эттэ. Горнайтан ураты Нам, Үөһээ Бүлүү, Кэбээйи көхтөөх кыргыттара, уолаттара хамсааһыҥҥа кыттыахтара. Ону таһынан, Саха сиригэр ыытыллар улахан тэрээһиҥҥэ, маҥнайгытын Россия регионнарыттан волонтердар кэлэллэрэ күүтүллэр.


Бэрдьигэстээххэ СӨ Ыччат дьыалаларыгар уонна социальнай коммуникацияларга миниистирин солбуйааччыта Александр Сусоев улуус баһылыгын Никита Андреевы, нэһилиэк баһылыгын Алексей Аргуновы кытары Манчаары оонньууларыгар кыттыахтаах волонтердар, устудьуоннар этэрээттэрин үлэлэрин былаанын ырытыстылар.

Интэриниэт ситимин нөҥүө миниистир Степан Саргыдаев эдэр ыччакка ситиһиилээх үлэни баҕаран туран, спорт национальнай көрүҥнэрин күрэстэһиилэрэ Саха сирин Олимпиада буоларын бэлиэтээтэ. XXI Манчаары оонньууларыгар олоҕуран, өрөспүүбүлүкэ “Үтүө дьыалалар регионнара” Бүтүн Россиятааҕы куоҥкуруска кыайбытыгар, горнайдар ураты өҥөлөөхтөр диэн махталын биллэрдэ.

“Россия устудьуоннарын этэрээттэрэ” Дьокуускайдааҕы региональнай салаатын салайааччыта Виктор Климовскай, “СӨ волонтердары кытары үлэ киинин” дириэктэрэ Айыллаан Винокуров күрэхтэһиигэ үлэлиэхтээх ыччат этэрээттэрэ үлэлэрин-хамнастарын, сыалларын-соруктарын туһунан билиһиннэрдилэр.

“Горнай улууһа” МО дьаһалтатын ыччат политикатыгар кылаабынай исписэлииһэ Сардана Туралысова Манчаары оонньууларын тэрээһинигэр 175 киһи кыттыахтааҕын билиһиннэрдэ. Үлэ сүрүннээн Одунуга, Бэрдьигэстээххэ туһаайылларын эттэ. Горнайтан ураты Нам, Үөһээ Бүлүү, Кэбээйи көхтөөх кыргыттара, уолаттара хамсааһыҥҥа кыттыахтара. Ону таһынан, Саха сиригэр ыытыллар улахан тэрээһиҥҥэ, маҥнайгытын Россия регионнарыттан волонтердар кэлэллэрэ күүтүллэр.

Манчаары оонньууларын кыттааччылара Ковид-19 ыарыытын утары вакцинаны ылыахтаахтар. Оттон күрэхтэһии волонтердара ирдэбилинэн эрэ буолбакка, бэйэлэрин, атын дьону харыстыыр туһуттан баҕа өттүнэн номнуо быһыыларын ылан, үлэҕэ көхтөөхтүк кыттарга бэлэмнэрин биллэрдилэр.

“Эйэ” скверыгар сүбэ мунньах кыттыылаахтара бу кэмҥэ үлэлии сылдьар олохтоох ыччаттары кытары көрүстүлэр. Устудьуон этэрээтин олоҕун-дьаһаҕын туһунан кэпсээтилэр. Үлэлэригэр ситиһиилэри баҕаран туран, бастакы анал таҥастарын туттардылар, суруйда Вячеслав Алексеев https://www.instagram.com/silatrudagorny/

Следите за самым важным и интересным в Telegram-канале и WhatsApp-группе ЯСИА