19 От ыйа 19.07
  • 21°
  • $ 87,88
  • 96,1

Ленскэй улууһугар үлэлии барар педагогтарга 1 мөл солкуобайы оройуон бүддьүөтүттэн биэриэхтэрэ

Читайте нас на
Яндекс Новости
ЯДВ

Саҥа үлэһиттэри аҕаларга табыгастаах буоларын туһугар Ленскэй улууһугар 2022 сылтан «Земскэй учуутал» федеральнайдааҕы бырагыраама үлэлиир. Бырагыраама кыттааччылара оройуоҥҥа кэлэллэригэр олохтоох бүддьүөттэн 1 мөлүйүөн солкуобайы ылыахтарын сөп.

Ленскэй оройуонун үөрэҕин дьаһалтатыгар бырагыраамаҕа кыттыан баҕалаахтартан сайаапкалары бу нэдиэлэ бүтүөр диэри хомуйуохтара. Кэлбит учууталларга биир кэмнээх көмө харчы төлөнөр бэрээдэгин туһунан балаһыанньаны оройуон Сэбиэтин сессиятыгар өссө ааспыт сыл ахсынньытыгар бигэргэппиттэрэ. Бырагыраамаҕа кыттарга билиҥҥитэ биир эрэ сайаапка киирбит.

Бырагыраама Ленскэй оройуонун үөрэх тэрилтэлэригэр каадырдары элбэтэргэ ананар. Төһө да муниципалитекка саҥа исписэлиистэри тардыыга үлэ бардар, оскуолаларга уонна оҕо саадтарыгар барыта уончалыы вакансия баар. «Педагогтары тардыыга саҥа бырагыраама оройуон бүддьүөтүттэн 1 мөлүйүөн солкуобай кээмэйдээх биир кэмнээх төлөбүрү көрөр, бу харчыны ханнык баҕарар наадаҕа туһаныахха син. Үрдүк таһымнаах идэтийбит исписэлиистэр тиийбэттэр, манна саҥа үлэһиттэри 50 сааһыгар диэри ылабыт. Биһиги бу бырагырааманан сыллата 10-ка киһини үлэҕэ ылар кыахтаапыт. Кыттааччы Ленскэй оройуонун үөрэҕин тэрилтэлэригэр 5 сылтан итэҕэһэ суох үлэлиэхтээх», — диэн оройуон үөрэҕин управлениетын начальнига Изумира Корнилова тоһоҕолоон бэлиэтээтэ.

Следите за самым важным и интересным в Telegram-канале и WhatsApp-группе ЯСИА