Олунньу 12 күнүттэн «Ленскэй — Пеледуй» кыһыҥҥы суолунан уопсайа 30 туоннаҕа диэри уйуктаах техника сырыыта көҥүллэнэр. Ол туһунан Саха сирин массыына суолун управлениета иһитиннэрэр.
Ленскэй оройуонугар «Умнас» массыына суолун 1041 км — 1226 км учаастагар сезоннай суол сөптөөх техническэй-эксплуатационнай туругун «Форсаж» ХЭО бэдэрээттэһэр тэрилтэтэ хааччыйар.
«Убаастабыллаах суоппардар, суолларга суол бэлиэлэрин ирдэбиллэрин халбаҥнаабакка тутуһуҥ!» — диэн управлениеҕа тоһоҕолоон бэлиэтээтилэр.
