Саха сирин үгүс өттүгэр антициклон сабардаата, кини кууранах күнү-дьылы уонна салгын температуратын сууккалааҕы улахан хамсааһынын аҕалла. Нэдиэлэтээҕи сабаҕалааһыннары ЯСИА-ҕа Саха УГМС метеорологическай уонна агрометеорологическай билгэлэр отделларын начаалынньыга Саргылана Никитина үллэһиннэ.
«Дьокуускайга бу нэдиэлэҕэ сөҥүүтэ суох күн-дьыл туруоҕа, түүн температурата -10…-13 кыраадыс, оттон күнүс 0…-3 кыраадыс буолуоҕа. Бу килиимэт нуорматыгар сөп түбэһэр. Сынньалаҥ күннэргэ киин оройуоннарга сорох сиринэн арҕааттан былыттаах кыра хаар күүтүллэр», — диэтэ Саргылана Никитина.
Алтынньы 15–16 күннэригэр арҕаа, соҕуруу, алын Өлүөнэҕэ, Арктика кытылыгар кыра, сорох сиринэн орто хаар күүтүллэр. Тыал орто, сорох сиринэн 9–14 м/с диэри күүһүрэр, Арктика кытылыгар 19–24 м/с диэри, буурҕа.
Түүн температура кииҥҥэ -15…-20°, былыттаахха -7…-12°, арҕаа хаардаахха -2…-7°. Күнүс кииҥҥэ 0…-5° диэри, соҕуруулуу-арҕаа уонна арҕаа +1…+6 кыраадыска диэри, хотугулуу-илин -4…-9°. «Уопсайынан, температураҕа улахан уларыйыыны күүппэппит. Өрөспүүбүлүкэ үгүс өттүгэр антициклон турда, кини кууран күнү-дьылы уонна температура улахан сууккалааҕы хамсааһынын быһаарар. Түүн саамай намыһах температура хотугулуу-илин -20…-24 кыраадыска диэри намтаабыта. Арктика кытылыгар кыра, сорох сиринэн орто хаар уонна 17–22 м/с диэри тыал, буурҕаны сабаҕалыыбыт», — эптэ Саргылана Никитина.
