27 Ыам ыйа 27.05
  • -7°
  • $ 104,68
  • 115,6

Колымана оҕото бүгүн арҕахтан тахсар. Онлайн көрүөххэ сөп

09:10, 03 апреля 2020
Текст:

Бүгүн, муус устар 3 күнүгэр , Колымана оҕотун арҕахтан таһаарар. Бу туһунан экология министиэристибэтин пресс-сулууспата СИА-ҕа иһитиннэрдэ. Сотору кэминэн “Орто дойду” зоопарка Хаарчаана быраатыгар аат толкуйдааһыныгар куонкурус биллэриэҕэ.


Үрүҥ эһэ Колымана “уолчаана” ааспыт сыл ахсынньытыгар күн сирин көрбүтэ. Бүгүн кини аан бастаан аһаҕас халлаан анныгар таһырдьаны билсиэ. Бэлиэ түгэн күнүс 4 чааска “Орто дойду” зоопаркаҕа тэриллиэҕэ. Онлайн-трансляцияны YouTube-ханаалга бу ссылканан көрүөххэ сөп https://www.youtube.com/channel/UC_hZ0IGRxhhiUN0dw12Sa6g/, итиэннэ зоопарка Инстаграмыгар @zooparkyakutskii

Зоопарка научнай-сырдатар салаатын сэбиэдиссэйэ Наталья Сафонова эппитинэн, бу ыйдар устата кырачаан эһэчэээн ийэтин кытта арҕахха сытта.

«Кыһын устата улаатта, ыйааһынын эптэ, сайынна. Билигин кини эдьиийигэр Хаарчаанаҕа майгынныыр. Эһэчээн уол. Зоопарка исписэлиистэрэ итини быһаарбыттара, вакцинациялаабыттара, ыйааһынын бэрэбиэркэлээбиттэрэ – 18 киилэ», — диэтэ Наталья Сафонова.

Ийэтин үүтүнэн эмсэхтэнэр, эбиэтиттэн да бэриһиннэрэр. Тыыннаах айылҕаҕа эһэ оҕото ийэтин кытта үс сааһыгар диэри сылдьарын бэлиэтиэххэ сөп. Колымана оҕото зоопаркаҕа олоруоҕа биир сааһын туолуор диэри, онтон хайдах буолара көстөн иһиэҕэ.

«Орто Дойду» сотору эһэчээҥҥэ аат булуутугар куонкурус биллэриэҕэ. Усулуобуйатын туһунан иһитиннэриэхтэрэ.

Следите за самым важным и интересным в Telegram-канале и WhatsApp-группе ЯСИА
0
0