«Өлүөнэ очуостара» национальнай паарка сиригэр-уотугар ийэтэ суох сылдьар эһэ оҕотун бэлиэтээтилэр. Биир саастаах адьырҕа кыылы Уhун Куол диэн сир таһыгар турар «фотоловушка» түһэрбит, диэн паарка дьаһалтатыгар иһитиннэрдилэр.
Судаарыстыбыннай инспиэктэр Роман Широких быһаарарынан, эһэ оҕотун ийэтэ атыырдартан көмүскээн үүрбүт буолан соҕотох сылдьыан син, тоҕо диэтэххэ, от ыйа бүтүөр, атырдьах ыйа саҕаланыар диэри атыыр эһэлэр саамай кырыктаах уонна актыыбынай, кутталы үөскэтэр кэмнэрэ буолар.
