«Орто Дойду» зоопаркаҕа 2015 сылга төрөөбүт Нико диэн ааттаах японскай туруйаны Амур уобалаһын питомнигар ыыттылар диэн, Саха сиринээҕи Россельхознадзор иһитиннэрэр.
Сэдэх көтөрү Мурвьевскай айылҕаны туруктаахтык туһаныы пааркатыгар биэрдилэр. Икки чаастаах сөмөлүөтүнэн көтүүнү Нико этэҥҥэ тулуйда. Туруйаны температурнай режимин тутуһан, вентиляциялаах коробкаҕа илдьибиттэр.
Япония туруйата сүтэр кутталлаах, ураты харыстанар көрүҥнэргэ сыһыаннаах уонна РФ Кыһыл кинигэтигэр киллэриллибитэ. Аан дойду уонна национальнай сокуоннарынан араҥаччыланар.
