Саха сирин үтүөлээх артыыһа Кирилл Семенов нуучча, омук ааптардарын бастыҥ айымньыларын тылбаастаан, «Сахалыы тыыннаммыт пьесалар» диэн хомуурунньукка тиспитэ, кинигэ буолан күн сирин көрдө. Кинигэни Саха тыйаатырыгар сүрэхтээтилэр.
«Сахалыы тыыннаммыт пьесалар» хомуурунньукка барыта 12 нуучча, омук ааптардарын бастыҥ айымньылара киирдилэр. Кирилл Семенов пьесалары бүтэһик уонча сыл тылбаастаабыт.
Кинигэ 120 экземплярынан норуот тыйаатырдарын режиссердарын, норуот айымньытын өрөспүүбүлүкэтээҕи дьиэтин өйөбүлүнэн бэчээттэнэн таҕыста.
«Сахалыы тыыннаммыт пьесалар» Саха тыйаатырын мусуойугар, Национальнай бибилэтиэкэ ааҕар саалатыгар, В.Г. Белинскэй аатынан Дьокуускайдааҕы киин бибилэтиэкэҕэ тиксэрилиннилэр.
Үөрүүлээх тэрээһиҥҥэ Кирилл Семеновка «Гражданскай килбиэн» бэлиэни туттардылар.
