15 От ыйа 15.07
  • 24°
  • $ 87,74
  • 95,76

Кирилл Бычков Уус Алдаҥҥа тутуу хаамыытын бэрэбиэркэлээтэ

Читайте нас на
Яндекс Новости
ЯДВ

СӨ Бырабыыталыстыбатын бэрэссэдээтэлин бастакы солбуйааччы Кирилл Бычков уонна тутуу эйгэтин тустаах үлэһиттэрэ Уус Алдан улууһугар тутулла турар эбийиэктэри көрө-истэн, хонтуруоллаан бардылар, диэн Мүрү саһарҕата суруйар.

Национальнай бырайыак

Оробуочай бөлөх Бороҕоҥҥо национальнай бырайыагынан тутулла турар үс улахан эбийиэккэ сырытта. Бу элбэх функциялаах спортивнай комплекс уонна 450 миэстэлээх Мүрү 2 №-дээх орто оскуолатын, Мындаабатааҕы тустуу көрүҥнэрин саалатын тутуулара буолаллар.

Маныаха Кирилл Бычков бу эбийиэктэр хаачыстыбалаахтык уонна ыйыллыбыт болдьохторугар тутуллан, сыл бүтүүтэ үлэҕэ киириэхтээхтэрин ыйда. Онуоха бу кыаллар чинчилээх эрээри, син биир ураты болҕомтону уонна хонтуруолу уурарга, миэстэтигэр тахсан сирэй көрсөн олорон сүбэлэһэргэ тиийбиттэрин эттэ: “Тутуулар үлэҕэ кэмигэр киирэр кыахтарын үлэһит ахсаанын элбэтиигэ көрөбүт. Уонна спорткомплекс тутуутугар эбии тиэхиньикэ (кыраан) ананара ирдэнэр. Онтон саамай сүрүнэ, үлэни тэрийии буолар. Манна бэдэрээччик профессионал быһыытынан кыаҕын барытын туһанан, дьиссипилиинэлээхтик үлэлиэхтээх. Национальнай бырайыагынан тутуллар эбийиэктэри ыйыллыбыт болдьоҕор үлэҕэ киллэрбэт быраап кимиэхэ да суох!” – диэн кытаанахтык эттэ.

Оскуола эбийиэгэр ититэр ситимэ холбонон, үлэһиттэр сылаас дьиэҕэ үлэлии сылдьаллар. Онон үлэ хаамыыта тэтимирэрэ күүтүллэр. Оттон Мындаабаҕа “Спорт – олох нуормата” бырайыагынан тутуллубут тустуу көрүҥнэрин саалатыгар ситэрэр-хоторор үлэлэр бараллар. Сүрүн үлэ салгыны хамсатар (вентиляционнай), сантехника уонна уот ситимнэригэр ыытылла турар. Маныаха Кирилл Бычков тутуу хаачыстыбатын тупсарарга уонна кэмигэр туттарарга ыйыы-кэрдии оҥордо.

Тыа сирин кэлим сайдыытын бырагыраамата

Хомойуох иһин, бу бырагырааманан тутуллар эбийиэги, чуолаан Сыырдаах орто оскуолатын тутуутун, үбүлүүргэ түһэриллибит сайаапкаҕа бырайыактыыр быһаарыылар хаачыстыбалара сорох өттүгэр сөп түбэспэт. Онон бырайыагы уларытарга эрэ күһэллии баар. Ол үлэ үбүлээһинэ ыарыырыгар тиэрдэр уонна эбийиэк киирэр болдьоҕун уһатан биэрэр. Ол да буоллар, үлэ былаана чуолкай биллэр, ыйыы-кэрдии оҥоһулунна, эбийиэги кэмигэр киллэрэр сорук турар.

Ааптар: Ольга Шепелева

Следите за самым важным и интересным в Telegram-канале и WhatsApp-группе ЯСИА