15 От ыйа 15.07
  • 22°
  • $ 87,74
  • 95,76

Ильковскай хамаандатыгар холуобунай дьыала тэрилиннэ

10:32, 28 июля 2016
Текст:
Читайте нас на
Яндекс Новости
ЯДВ

Забайкальскай кыраай үпкэ миниистирин э.т. Андрей Кефер дуоһунаһынан туһанан боломуочуйатын үрдэтии иһин буруйдааһын оҥоһуллубут. Ити туһунан «Интерфакс» Силиэстийэлиир кэмитиэт пресс-сулууспатыгар сигэнэн суруйар.


Сүрүн буруйдааһын 2015 сыл бастакы аҥаарыгар бюджет эйгэтин үлэһиттэригэр хамнас төлөммөтөҕүттэн төрүөттэнэр. Регион борокуратууратыттан киирбит үҥсүүгэ олоҕуран, холуобунай дьыала тэрилиннэ. Силиэстийэ туһатыгар бу туһунан сиһилии этиллибэт.

2015 сыл кулун тутарыгар Забайкальскай кыраайга хамнас төлөммөтүттэн сылтаан учууталлар айдааны тардыбыттар, сорох оскуолалар суһаллык каникулга барарга күһэллибиттэр.

Ону таһынан доруобуйа харыстабылын үлэһиттэрэ эмиэ бу туһунан үҥсэ сылдьыбыттар.

«Психбалыыһаларга, сэллиги утары диспансердарга ураты уустук быһыы-майгы үөскээтэ. Ол курдук, Читаҕа сэллик 1-кы №-дээх диспансерыгар 2 мөл.солк. иэс үөскээбит. Дьон олус айманар, тоҕо диэтэххэ бары кэриэтэ кредиттээхтэр», — диэн «Коммерсант» таһаарыыга үлэһиттэр идэлээх сойуустарын салайааччыта Надежда Кулиниченко этэр.

Хамнас төлөммөтүттэн борокуратуура кыраай баһылыгын Константин Ильковскайы, ону таһынан министиэристибэлэри холуобунай эппиэтинэс туһунан сэрэппит.

Ильковскай 2016 сыл олунньутугар үлэтиттэн тохтотуллубута. Онуоха сүрүн төрүөтүнэн РФ тутууга миниистирэ Михаил Мень кыраайга эргэ дьиэлэртэн дьону көһөрүү бырагырааматын олоххо киллэрии куһаҕан көрдөрүүлэрин туһунан дакылаата буолбута. Кини кэнниттэн кыраай бырабыыталыстыбатын үлэтэ тохтотуллубута.

Балаҕан ыйыгар буолаары турар Госдума быыбарыгар Константин Ильковскай «Сиэрдээх Россия» регионнааҕы испииһэгэр иккис кэрдиискэ турар. Ити испииһэккэ Забайкальскай кыраай, Саха сирэ, Камчатка, Магадан уобалаһа уонна Чукотка киирэ сылдьаллар. Испииһэккэ Госдума билиҥҥи дьокутаата Федот Тумусов бастакынан турар.

Следите за самым важным и интересным в Telegram-канале и WhatsApp-группе ЯСИА