Саха Өрөспүүбүлүкэтин Судаарыстыбаннай Мунньаҕар (Ил Түмэҥҥэ) 2027 сылга уонна 2028–2029 сыллардааҕы былааннанар кэмҥэ Саха Өрөспүүбүлүкэтин судаарыстыбаннай бүддьүөтүн туһунан сокуон барылын дьүүллэһиигэ аһаҕас истиилэр ыытыллыахтара.
Аһаҕас истиилэри Саха сирин парламенын вице-спикерэ, Ил Түмэн бүддьүөккэ, үпкэ, нолуокка уонна сыана бэлиитикэтигэр, бас билиигэ уонна приватизацияҕа сис кэмитиэтин бэрэссэдээтэлэ Юрий Николаев ыытыаҕа.
Бэбиэскэҕэ:
* 2027–2029 сылларга Саха Өрөспүүбүлүкэтин социальнай-экэнэмиичэскэй сайдыытын барылын туһунан. Дакылааты Саха Өрөспүүбүлүкэтин экэниэмикэҕэ миниистирэ Петр Попов оҥоруоҕа.
* «2027 сылга уонна 2028–2029 сыллардааҕы былааннанар кэмҥэ Саха Өрөспүүбүлүкэтин судаарыстыбаннай бүддьүөтүн туһунан» Саха Өрөспүүбүлүкэтин 445-7 №-дээх сокуонун барылын туһунан, Саха сирин баһылыга сокуону көҕүлээһинэ. Дакылааты өрөспүүбүлүкэ үбүн миниистирин эбээһинэһин толорооччу Иван Алексеев оҥоруоҕа.
Сокуон барылын сиһилии Ил Түмэн официальнай саайтыгар киирэн көрүөххэ сөп. Онлайн-трансляция сигэтэ манна баар буолуоҕа. Аһаҕас истиилэр 10:00 чаастан саҕаланаллар.
