Россияҕа Педагог уонна наставник сылынан Ил Дархан Айсен Николаев 36 педагог-наставникка 100-түү тыһ солк бириэмийэ анаата. Ол туһунан кини Ил Түмэҥҥэ анал этиитин кэмигэр иһитиннэрдэ.
«Муниципальнай оройуоттар уонна куорат уокуруктарын олохтоохторо бастыҥ педагог-наставнигы уопсастыбаҕа үтүөлэрин уонна махтал бэлиэтин биллэрэн талыахтара», — диэтэ Айсен Николаев.
Кини өрөспүүбүлүкэҕэ педагогтар баай үгэстээхтэрин, уопуттаахтарын уонна маастарыстыбалаахтарын бэлиэтээтэ. Саамай сүрүнэ – үөрэх сыаннастарын өйдүүр, ол үөрэтиини уонна иитиини саҥа таһымҥа таһаарыаҕа.
Санаттахха, Россияҕа 2023 сыл Педагог уонна наставник сылынан биллэриллибитэ.
