18 Ыам ыйа 18.05
  • -7°
  • $ 104,68
  • 115,6

"Ийэ хапытаала" оҕо төрөөтө да тута оҥоһуллар буолла. Сертификаты илиигэ ылыы булгуччута суох

2020 сыл муус устар 15 күнүттэн Россия Биэнсийэтин пуондата Ийэ хапытаалын сертификаттарын биэриини «проактивнай» көрүҥҥэ көһөрдө. Кулун тутар 1 күнүнээҕи Ийэ хапытаалын туһунан 35-ФЗ №-дээх федеральнайдааҕы сокуоҥҥа киллэриллибит балаһыанньаларга олоҕурар, диэн суруйар «Парламентская газета».


Билигин оҕо төрөөтө да тута «Ийэ хапытаала» оҥоһуллар. Ыал сертификаты илиитигэр ылбакка да сылдьан харчыны туһаҕа таһаарыыны саҕалыан сөп.

Судаарыстыба көмөтүн туттуу кэҥээн биэриитин туһунан сокуоҥҥа өссө маннык этиллэр:

— 2020 сыл тохсунньу 1 күнүттэн төрөөбүт (иитэ ылыллыбыт) бастакы оҕоҕо төлөбүр кээмэйэ — 466 617 солк;

— 2020 сыл тохсунньу 1 күнүттэн төрөөбүт (иитэ ылыллыбыт) иккис уонна онтон кэлэр оҕоҕо төлөбүр — 616 617 солк диэри улаатта;

— Дьиэ кэргэн хапытаалын дьиэ туттууга эбэтэр уларытан тутууга туттуохха сөп;

— Ийэ хаптытаалын биэрии бырагыраамата 2026 сыл бүтүөр диэри үлэлиир.

Следите за самым важным и интересным в Telegram-канале и WhatsApp-группе ЯСИА
0
0