29 Тохсунньу 29.01
  • -48°
  • $ 73,82
  • 83,32

«Хивустаах» урбаанньыттара тарыып бэрээдэктэнэрин утарбаттарын эттилэр

18:15, 03 мая 2017
Текст:

Икки хонуктааҕыта Аллараа Бэстээхтэн «Хивус» сымнаҕас сыттыктаах суудунанан Даркылаахха диэри 2000 солкуобайы төлөөн туораабытым. Муус устар 29 күнүттэн биир кэлим тарыып олохтоммута эрээри, урбаанньыттар тырааныспар миниистирин бирикээһин толорор санаалара суох.


Кыһалҕаттан, «Хивуска» олорсоргор эрэ тиийэҕин. Атыны талар кыахпыт суох. Урукку курдук, көтөр ааллар сылдьыбаттар. Ол эрээри, бөртөлүөт эмиэ «бас» быстар сыаналаах буолааччы. Өлүөнэни туоруур муоста хаһан тутуллуор диэри, илин эҥээр олохтоохторо күһүҥҥү-сааскы ыйдарга үлүгэрдээх үбү-харчыны тэбээн айанныылларыгар тиийэллэр.

Ааспыкка, Сыана бэлиитикэтин судаарыстыбаннай кэмитиэтэ «Хивус» суудуналарынан айан тарыыбын хонтуруоллуур, бэрээдэктиир, судургутук эттэххэ, илиилэригэр ылбыттарын туһунан өрөспүүбүлүкэ олохтоохторугар иһитиннэрбиттэрэ. Хомойуох иһин, ол олоххо киирэ илик. Суудуналаах «тойоттор» син-биир тарыыптарын түһэрэ иликтэр.

Ыам ыйын 2 күнүгэр Сыана бэлиитикэтин судаарыстыбаннай кэмитиэтин бэрэссэдээтэлэ Антонина Винокурова итиэннэ тырааныспар уонна суол хаһаайыстыбатын миниистирэ Семен Винокуров суудуналаах урбаанньыттары, ол иһигэр, Борис Строевы, Николай Высоцкайы, Никита Безбородовы уонна кинилэр интэриэстэрин көмүскүүр албакаат Егор Холмогоровы кытары көрсөн кэпсэттилэр. Мунньах кэмигэр кинилэр тарыып бэрээдэктэнэрин утарбаттарын, ол эрээри сыананы сиэри таһынан түһэрбэттэрин туһугар эттилэр. Урбаанньыттар судаарыстыбаттан туох да көмөтө суох, бэйэлэрин күүстэриэн үлэлиир дьон. Онон сыллата туох кыһалҕаны көрсөллөрүн, уматыкка, саппаас чааска төһө ороскуотуралларын кэпсээтилэр. Онуоха министиэристибэ исписэлиистэрэ миэстэтигэр тиийэн биир суудуна күҥҥэ төһө рейси оҥорорун, хас пассажиры таһарын, ону таһынан, тиэхиньикэ кыһыҥҥы өттүгэр үлэтэ суох төһө уһуннук турарын, төһө уматыгы ороскуоттуурун үөрэтиэх буоллулар.

Санатан эттэххэ, СӨ бырабыыталыстыбата нэһилиэнньэни социальнай өттүнэн өйүүр сыалтан, тарыып бэрээдэктэнэр уонна хонтуруолланар буолбута. Муус устар 29 күнүттэн улахан дьоҥҥо тарыып 1000, оҕолорго 500 солкуобайынан олохтоммута. Ол эрээри билигин 2000 солкуобайдаах эрэ киһи нөҥүө кытылы булар кыахтаах.

[vc_row][vc_column][vc_message message_box_style=»3d» message_box_color=»grey»]

Өлүөнэ өрүһү «Хивус» суудунанан туорааччылар айан билиэтин ылан баран, СӨ Сыана бэлиитикэтин судаарыстыбаннай кэмитиэтигэр биллэрэргитигэр көрдөһөллөр. «Быһа сибээс» төлөпүөнүн нүөмэрэ: (4112) 34-34-37. Электроннай почта rek@sakha.gov.ru. Аадырыс: Дьокуускай куорат, Ленин проспегын 28 №-дээх дьиэтэ, 502 кабинет.

[/vc_message][/vc_column][/vc_row]

www.edersaas.ru

0
0
Тутаах тыллар
29 января 29.01
  • -48°
  • $ 73,82
  • 83,32