Ыам ыйын 20 күнүттэн Дьокуускайга анал байыаннай дьайыы кыттыылаахтарыгар көмө оҥорор Саха сирин волонтердарын тэрилтэлэригэр нэһилиэнньэттэн иистэнэр массыыналары хомуйуу аахсыйата саҕаланар. Акцияны «Кыайыыга бииргэ» өрөспүүбүлүкэтээҕи суһал хамыыһыйа штабын Сүрүннүүр киинэ ыытар. Ол туһунан үгэс буолбут брифинг кэмигэр хамыыһыйа бэрэстэбиитэлэ Евгения Васильева кэпсээтэ.
Иистэнэр массыыналар Дьокуускай куоракка Аммосов уулуссатын 18 дьиэтигэр 2/4 кабинекка босхо ылыллаллар. Эбии информацияны бу нүөмэргэ эрийэн билсиэххитин сөп: +7 924 763-73-65.
«»Кыайыыга бииргэ» сүрүннүүр киин, Донбаһы өйүүр уонна көмөлөһөр хотугулуу-илиҥҥи пуонда уонна Саха сиринээҕи быыһыыр сулууспа АБДь кыттыылаахтарын техниканан, аналлаах тэриллэринэн, гуманитарнай көмөнөн хааччыйыытын салгыы ыытар», — диэн Евгения Васильева бэлиэтээтэ.
Кини 2026 сыл саҕаланыаҕыттан гуманитарнай таһаҕаһы тиэрдиигэ 29 рейс толоруллубутун бэлиэтээтэ. Анал байыаннай дьайыы зонатыгар 75 тырааныспар, ону таһынан 164 туоннаттан тахса гуманитарнай көмө уонна аадырыстаах баһыылка ыытылынна.
