Дьокуускайга Залокка Тимирязев аатынан суолга капитальнай өрөмүөн ыытыллар. ОНФ-ларга олохтоохтор саҥа суол туругун бэрэбиэркэлииллэригэр этиилээх таҕыстылар.
Народнай фронт бэрэстэбиитэллэрэ суолу бэрэбиэркэлииллэригэр дефектэр бааллара билиннэ. Көхтөөх дьон бэлиэтээбиттэринэн, бу суолу оҥорууга 60-тан тахса мөл солк көрүллүбүт.
«Биһиги оҥоһуллубут суол хаачыстыбатын көрдүбүт. Үс сиринэн асфальт алдьаммыт, быһыта барыылардаах, ити эрээри суол оҥоһуллубута үс эрэ нэдиэлэ буолла. Суолу хаачыстыбата суох ууруу түмүгэ ити. Биһиги куорат дьаһалтатыгар уонна бэдэрээччиккэ эттибит, сыыһаны туораталларыгар. Бэдэрээччик көннөстөргө бэлэмин эттэ. Балаһыанньаны салгыы көрүөхпүт уонна суол хаачыстыбалаахтык тутулларын модьуйуохпут!» ― диэтэ ОНФ Саха сиринээҕи салаатын салайааччыта Валерий Лютый.
