16 Атырдьах ыйа 16.08
  • 13°
  • $ 61,37
  • 62,51

Дьокуускай ипподромугар ат спордун дьаһала ыытылынна

«Смотр верховой езды среди конных клубов Якутии» ат спордун күрэхтэһиитэ Саха АССР 100 сылыгар ананна. Дьаһал Дьокуускайдааҕы тыа хаһаайыстыбатын университетын ипподромугар ыытылынна, суруйар СИА.

Турнирга атынан дьарыктанар үс спортивнай кулууп кытынна — «Золотая подкова», «Импульс» уонна «Мустанг». Барыта 25 кыттааччы сайаапкалаах.

Күрэхтэһиигэ сөбүлээн дьарыктанааччылар уонна уопуттаах спортсменнар бааллар. Кинилэр ортолоругар ат спордугар Россиятааҕы күрэхтэһиилэр призердара, өрөспүүбүлүкэ чемпионнара, Дьокуускай чемпионнара, ат кулууптарын бастыҥнара бааллар.

4 көрүҥҥэ илин-кэлин түсүһэллэр: Кавалетти; Ырааска уонна сыыдамҥа (60 см диэри); Ырааска уонна сыыдамҥа (80 см диэри); Ырааска уонна сыыдамҥа  (100 см диэри).

Маны сэргэ хас биирдии кулууп бэйэтин презентациялыыр, итиэннэ 14-гэр диэри саастаах кыттааччылар атынан хаамтарыылара көрдөрүллэр.

Кыайыылаахтар, призердар мэтээллэринэн, кубоктарынан, дипломнарынан, аттарга анаммыт розеткаларынан наҕараадаланаллар.

Хаартыска: Виктория Сергеева, СИА.

Следите за самым важным и интересным в Telegram-канале и WhatsApp-группе ЯСИА
0
0