Сунтаар Тойбохойугар бу күһүн ипподром арыллыбыта. Хаһаайыттар Корниловтар ат сүүрдүү спорт көрүҥүн сайыннарар баҕалаахтар. Бу күннэргэ кинилэргэ Пятигорскайтан Стрим Плей диэн өссө биир сүүрүк ат кэллэ, НВК Саха телеграм-ханаал суруйар.
Аты биллиилээх жокей, атын сиртэн аттары аҕалыынан дьарыгырар Николай Терентьев икки нэдиэлэ устата айаннаан аҕалла.
Корниловтар хаһаайыстыбаларыгар маннык ыраас хааннаах ат үһүс буолар.
Хаһаайыттар мантан инньэ дьону аты миинэргэ үөрэтэр уонна атынан айан тэрийэр былааннаахтар.
