Бастыҥ уус-уран айымньы куонкуруһун кыайыылаахтара билиннилэр
- «Сахабэчээт» автономнай тэрилтэ дириэктэрэ Филипп Пестряков саалаҕа мустан олорор суруналыыстары, суруйааччылары Россия бэчээтин күнүнэн итиитик-истиҥник эҕэрдэлээтэ. Талан ылбыт идэлэрин өссө сайыннаран, тутуспут суолларынан эрчимнээхтик айанныылларыгар, таһаарыылаахтык үлэлииллэригэр алҕаата уонна куонкурус кыайыылаахтарыгар бириэмийэлэри туттартаата.
- «Чолбон» сурунаал ыыппыт бастыҥ уус-уран айымньы куонкуруһун кыайыылаахтара Ангелина Васильева, Сардаана Трифонова, Аграфена Кузьмина анал дипломнарынан уонна харчынан бириэмийэлэринэн биһирэннилэр. Оттон Анна Осипова, Ульяна Захарова биһирэбил бириистэринэн бэлиэтэннилэр.
- «Полярная звезда» сурунаал куонкуруһун кыайыылаахтарынан Анатолий Бурцев, Күннэй Еремеева уонна Анна Давлятова ааттаннылар.
- — Эдэр ааптардарга анаммыт уус-уран айымньы куонкуруһугар бу бастакы холонуум. Наһаа тыҥааһыннаах уонна долгутуулаах буолар эбит. Ол да буоллар инникитин да кыттыам дии саныыбын, — диэн санаатын үллэһиннэ куонкуруска кыттан биһирэммит саамай эдэр кыттааччы, ХИФУ устудьуона Анна Осипова.
