18 От ыйа 18.07
  • 17°
  • $ 88,09
  • 96,3

Балаҕан ыйын ортотуттан тыйаатырдар аһыллаллара былааннанар

18:01, 27 июля 2020
Текст:
Читайте нас на
Яндекс Новости
ЯДВ

Балаҕан ыйын ортотуттан Саха сиригэр тыйаатырдар аа-дьуо аһыллаллара былааннанар. Урукку курдук элбэх киһилээх испэктээхтэр бобуллуохтара, тыйаатыр репертуарыгар камернай туруоруулар төннүөхтэрэ. Бу туһунан СИА суруйар. 


Роспотребнадзор тыйаатырдарга, кэнсиэри тэрийээччилэргэ анаан сэрэтэр дьаһаллар тустарынан методическай сүбэлэри бэлэмнээтэ. Тыйаатырдар, кэнсиэртэр кылаабынай санитарнай быраас сүбэтинэн Ил Дархан быһаарыытынан көҥүллэниэхтэрэ. Дьаҥ тарҕамматын сэрэтэр дьаһаллары репетициялар, спектакль, оборудованиены таҥыы кэмнэригэр барытыгар тутуһуохтара. Ирдэбиллэр сааһыттан тутулуга суох тыйаатырга ыытыллар бары тэрээһиннэргэ сыһыаннаахтар.

Элбэх киһи кыттыылаах испэктээхтэри уонна кэнсиэртэри бобуохтара. Тыйаатыр репертуарыгар камернай туруоруулар төннүөхтэрэ. Көрөөччүлэр маскалаах кэлэллэрэ булгуччулаах буолуо, буфекка бэрэски, бутерброд оннугар бытыыккалаах уу эрэ атыыланар буолуо. Биноклы дезинфекциялыыр салпыаккалаах биэриэхтэрэ.

Саалаҕа дьону олордуу туһунан быһаарыыны атырдьах ыйын бүтүүтэ ылыныахтара.

Артыыстар испэктээх, репетиция кэннэ мааска кэтэллэрэ булгуччулаах буолуо. Гример артыыһы бэрчээккилээх кырааскалыа, хас биирдии артыыс тус гриминэн туттуо. Артыыстар гримнэнэр остуоллара бэйэ бэйэлэриттэн 1,5 миэтэрэ тэйиччи турар буолуохтара.

Ыллыыр уонна доргуччу саҥарар артыыстар репетиция кэмигэр бэйэ бэйэлэриттэн 4 миэтэрэ тэйиччи туруохтара. Саалалар кэмиттэн кэмигэр салгыланаллара ирдэниэ. Артыыстары, тыйаатыр үлэһиттэрин мааскаларынан, дезинфекциялыыр сириэстибэлэринэн хааччыйыахтара.

Мусукааннар репетиция кэмигэр нуоталары, инструмент тэриллэрин бэрсэллэрэ бобуллар, бэйэ-бэйэлэриттэн 1,5 м тэйиччи тураллара ирдэнэр. Духовой инструменнарга ооньуур артыыстар бэйэ-бэйэлэриттэн 2 м тэйиччи туруохтара. Инструменнар иннилэригэр харыстыыр экраннар туруохтара. Мантан да атын ирдэбиллэр тустарынан сиһилии манна аах https://ysia.ru/teatry-yakutii-planiruyut-otkrytie-teatralnyh-sezonov-s-serediny-sentyabrya/ 

Следите за самым важным и интересным в Telegram-канале и WhatsApp-группе ЯСИА