23 От ыйа 23.07
  • 17°
  • $ 87,78
  • 95,76

"Азия оҕолоро": Пааранан буулдьанан ытыыга Саха сирин хамаандата боруонса ылла

17:02, 02 июля
Текст:
Хаартыска: ЯСИА саайта
Читайте нас на
Яндекс Новости
ЯДВ
А. Г. уонна Н. К. Чиряевтар ааттарынан куорат национальнай гимназиятыгар «Азия оҕолоро» оонньуулар буулдьанан ытыыга күрэхтэһиилэрэ салҕанар.  От ыйын 2 күнүгэр 10 м пневматическай бистэлиэттэн пааранан ытыы буолла. Саха сирин хамаандатыттан кыттыбыт паара боруонса мэтээли иилиннэ.

Финалга барыта түөрт паара кииристэ. Виктория Ераскумова уонна Константин Петров Саха сирин бастакы хамаандатытан кыттар. Кинилэр боруонсаны ыллылар. Утарылаһааччылара Уһук Илиҥҥи федеральнайдааҕы уокуруктан Александра Емонакова уонна Екатерина Казаринова. Сахалар аҕыс баалынан куоһардылар.

«Долгутуулаах уонна ыгым этэ. Үчүгэйдик үлэлээтибит, мин өттүбүттэн сыыһа баара, көннөстүөм. Мэтээл ылбыппытыттан үөрдүм, ити эрээри биһиги өссө үчүгэй көрдөрүүлээх буолуохтаах этибит», — диэтэ Константин Петров.

Саамай кыраҕы харахтаах ытааччыларынан Москваттан буоллулар — Павел Береснев уонна Анастасия Орешко. Үрүҥ көмүс Матвей Юбков уонна София Бренальдзе Сибиирдээҕи федеральнай уокуруктан.

Кэлэр түһүмэх 10 м пневматическай бинтиэпкэттэн ытыы. Буулдьанан ытыыга күрэхтэһии от ыйын 4 күнүгэр диэри салҕанан бараллар.

Следите за самым важным и интересным в Telegram-канале и WhatsApp-группе ЯСИА