“Азия оҕолоро” норуоттар икки ардыларынааҕы оонньууларга Саха сирин сүүмэрдэммит хамаандатыгар Дьокуускайтан 119 эдэр спортсмен кыттыаҕа, өссө биэс оҕо кыттыыта быһаарылла сылдьар. Кинилэр успуорт 22 көрүҥэр күрэхтэһиэхтэрэ диэн @YakutskRF ТГ-ханаала иһитиннэрэр, суруйда Саха сирэ саайт.
Дьокуускай куорат Успуорка уонна физическэй култуураҕа управлениетын салайааччыта Эдуард Ефимов эппитинэн, бастакы миэстэ иһин спортсмены 30 тыһ. солк. наҕараадалыахтара, 2 миэстэ иһин – 20 тыһ. солк., 3 миэстэҕэ 10 тыһ. солк. туттарыахтара. Ону кытта ситиһиилээхтик кыттыбыт иитиллээччилээх тириэньэр эмиэ наҕараадаланыаҕа.