Бу күн 1930 сыллаахха Дьокуускайга эргиэн уонна сырье техникума аһыллыбыт. Техникумҥа үс хайысханан идэ ылыахха сөп буолбут: эргиэн, түүлээх уонна балык дьыалаларыгар. Үөрэххэ сэттэ кылаас кэннэ киириэхээ сөбүн туһунан Бикипиэдьийэ суруйар.
Атырдьах ыйын 3 диэн Грегориан халандаарыгар сыл 215-с күнэ (ордук хонуктаах сылга 216-c күнэ). Сыл бүтүө 150 күн баар.
Бэлиэ күннэр:
- Нигер — Тутулуга суох буолуу күнэ. 1960 сыллаахха Францияттан тутулуга суох буолбут.
Түбэлтэлэр:
- 1492— Христофор Колумб үс хараабыла «Санта-Мария», «Пинта» уонна «Нинья» Испания Андалузиятыттан бастакы айаннарыгар туруммуттар.
- 1736— Улуу Хотугу эспэдииссийэ Баһылай Прончищев салайааччылаах төрдүс этэрээтэ Өлөөн өрүһүн төрдүттэн байҕал устун айаннаан Анаабыр өрүһүн төрдүгэр тиийбит. Тохтоон баран геодезист Чекины өрүһү ойуулата уонна олохтоохтор кэпсээбит тимирдэрин көрдөтө ыыппыт.
- 1778— Италияҕа Милан куоратыгар аатырбыт Ла Скала опера тыйаатыра аһыллыбыт.
- 1904— англичааннар эспэдииссийэлэрин чилиэттэрэ арҕааҥы дьонтон бастакыннан Тибиэт киин куоратыгар Лхасаҕа киирбиттэр.
- 1912— Туурсуйа Албанияҕа автономия биэрбит. Албаан тылын оскуолаҕа үөрэтэри көҥүллээбит.
- 1918— Саха сиринээҕи Оробуочай, бааһынай уонна саллаат дьокутааттар сэбиэттэрин исполкома уонна куоракка олорор кыһыл этэрээт үрүҥнэртэн куотан икки борохуотунан Бүлүүгэ айаннаабыттар. Сотору кэминэн Дьокуускайга өрөбөлүүссүйэни утарар Уобаластааҕы Сэбиэт үлэтин салҕаабыт.
- 1930— Саха АССР Эргиэн наркоматын быһаарыытынан Дьокуускайга эргиэн уонна сырье техникума тэриллибитэ. Билиҥҥитэ Дьокуускайдааҕы потребительскай кооперация эргиэн уонна экэниэмиэкэ кэллиэһэ.
- 1959— I Москубатааҕы дойдулар ыккардыларынааҕы кинофестиваль аһыллыбыт.
- 1992— Кулаковскай А.Е. аатынан Судаарыстыбаннай бириэмийэ олохтоммут.
- 1994— Арассыыйа Федерацията уонна Башкортостаан Өрөспүүбүлүкэтэ боломуочуйа тырыы туһунан сөбүлэҥ түһэрсибиттэр.
Төрөөбүттэр:
- 1940— Степан Эверстов — Саха сирин таас үйэтинээҕи устуоруйатын чинчийбит археолог, устуоруйа билимин хандьыдаата.
Өлбүттэр:
- 1968— Константин Рокоссовскай — Cэбиэскэй Сойуус маршала, икки төгүллээх Cэбиэскэй Сойуус Дьоруойа.
- 2008— Александр Солженицын — нуучча суруйааччыта, Нобель бириэмийэтин лауреата.
