17 Балаҕан ыйа 17.09
  • 19°
  • $ 73,19
  • 86,89

Андрей Тарасенко Уус Алдан ыччатын кытта көрүстэ

Бырабыыталыстыба бэрэссэдэтэлэ Андрей Тарасенко уонна солбуйааччыта Михаил Никифоров Уус Алдан улууһугар сүөһү аһын бэлэмнээһин туолуутун билистилэр. Дүпсэ уонна Суотту тыа хаһаайыстыбатын табаарын оҥорон таһаарааччыларын үлэлэрин көрдүлэр. Олохтоох ыччаты кытта кэпсэттилэр, өрөспүүбүлүкэ сүрүн пресс-сулууспата суруйда. 

Уус Алдан улууһун олохтоохторун кытта салайааччылар кэпсэтиилэригэр сүрүн ыйытыынан — тыа сиригэр эдэр кадр тиийбэтэ буолла. Премьер тыа хаһаайыстыбатын үөрэхтэрин тэрилтэлэригэр целевой миэстэни элбэтэргэ уонна эдэр исписэлиистэр социальнай өйөбүллэригэр этиилэри өйүүрүн биллэрдэ. Онно сөптөөх сорудаҕы тустаах министиэристибэлэргэ биэрдэ.

Бу уонна атын боппуруостар ыччаты кытта көрсүһүүгэ эмиэ таарылыннылар. Эдэрдэр бэрэссэдээтэлгэ тыа сиригэр олорор эдэр исписэлиистэргэ, ол иһигэр учууталларга уонна агрономнарга, дьиэ тутуутун боппуруоһун биэрдилэр. Кинилэр бэлиэтииллэринэн, маннык дьаһаллар бааллара буоллар ыччат тыа сиригэр талаһыытыгар ордук улаатыахтаах. «Тыа сириттэн ыччат көһүүтэ тохтуо этэ«, — диэтилэр.

Саха сирин премьера эппитинэн, бу боппуруос тутуу министиэристибэтин кытта көрүллүөҕэ. Маны сэргэ хочуолунай кыаҕын улаатыннарыы, гаастааһын, уу тырааныспара тохтуур причала дьүүллэһилиннэ.

17 сентября 17.09
  • 19°
  • $ 73,19
  • 86,89