Ыһыы хаамыытын уопсастыба кылаабынай агронома Назар Черкашин билиһиннэрдэ.
“Былаан быһыытынан 610 гектар ыһыылаахпыт. Бүгүҥҥү туругунан, 267 гектар сиргэ эбиэһи уонна 336 гааҕа нэчимиэни ыстыбыт. Ыһар култуурабыт барыта оройуоннаммыт суортар. Ол курдук нэчимиэн “Тамми”, эбиэс “Виленскэй”, сэлиэһинэй “Приленская” уонна “Туймаада” суортар. Сиик саптарыытыгар ыам ыйын 10 күнүгэр тахсыбыппыт. Ньукуола күн ыһыыбытын саҕалаабыппыт. Ыһыыга 30-тан тахса киһи, хас да хайысханы толорор биэс агрегат уонна сиэмэ бурдугу аҕалар “ЗИЛ” массыыналар үлэлии сылдьаллар. Үлэһиттэргэ астарын аҕалан күҥҥэ иккитэ аһатабыт. Уматыкпыт, сиэмэбит барыта баар. Этэҥҥэ буолан күн-дьыл турдаҕына, бэс ыйын 3 күнүгэр бүтэрэр соруктаахпыт. Ааспыт сылга эмиэ бу кэмҥэ бүтэрбиппит”, — диэн сырдатар Назар Васильевич.
