27 Ыам ыйа 27.05
  • -7°
  • $ 104,68
  • 115,6

Айсен Николаев: Саха сиригэр социальнай уонна инженернай инфраструктура 47 эбийиэгэ тутуллар

16:33, 27 мая 2020
Текст:

Ил Дархан Айсен Николаев Ил Тумэҥҥэ судаарыстыбаннай былаас 2019 сыллааҕы үлэтин отчуотун кэмигэр судаарыстыбаннай-чааһынай бииргэ үлэлээһин бырайыактарынан Саха сирэ Уһук Илиҥҥэ инники күөҥҥэ сылдьарын эттэ. Бүгүн өрөспүүбүлүкэҕэ социальнай уонна инженернай инфраструктура 47 эбийиэгэ тутуллар, суруйар СИА.


«Социальнай өҥөнү оҥорууга, ол эбэтэр дьон олоҕун хаачыстыбатын тупсарыыга 2019 сылга судаарыстыбаннай-чааһынай бииргэ үлэлээһин (ГЧП) бырайыактарынан инвестиция киллэриитигэр үлэ салҕанан барда. Манна биһиги Уһук Илиҥҥэ инники күөҥҥэ сылдьабыт.  Билигин ГЧП сөбүлэҥнэринэн, өрөспүүбүлүкэҕэ социальнай уонна инженернай инфраструктура 47 эбийиэгэ тутуллар. Ааспыт сылга уопсайа 3000 миэстэлээх оҕо саадтара, 1500 тыһыынча курдук миэстэлээх оскуолалар тутуллан үлэҕэ киирдилэр. Дьокуускайга искусство оскуолата уонна Уһук Илиҥҥэ аан бастакы Smart-библиотека арыллыбыттара. Бу тутуулар оскуолаҕа, дьыссаакка, эбии үөрэхтээһин тэрилтэлэригэр миэстэ тиийбэт кыһалҕатын быһаарар эрэ буолбатахтар, манна эбии үөрэтиигэ, иитиигэ саҥа аныгылыы үөрэх стандартарыгар чугаһаттылар», — диэтэ Ил Дархан.

Следите за самым важным и интересным в Telegram-канале и WhatsApp-группе ЯСИА
0
0