Дьокуускайга 13 саастаах билэсипиэттээх оҕону үнтү көппүт улахан массыына суоппара суут иннигэр эппиэттиэҕэ диэн, өрөспүүбүлүкэ Силиэстийэлиир кэмитиэтигэр сигэнэн СИА кэпсиир.
От ыйын 5 күнүгэр буруйдаах суоппар Можайскай уонна Пилотов уулуссалар быһыта охсуһар суолларыгар арыгылаан баран оҕону түннэри көппүт. Ыарахан эчэйиини ылбыт уол быһылаан тахсыбыт миэстэтигэр өлбүт.
Эр киһи буруйун билинэр уонна кэмсинэр диэн бэлиэтииллэр. Кини билэсипиэттээх оҕону көрбөккө хаалбытын туһунан эрдэ этэн турардаах.
Буолбут быһыы-майгы чахчылара барыта быһаарылынна, холуобунай дьыала суукка ыытылынна.
