19 Тохсунньу 19.01
  • -48°
  • $ 73,82
  • 83,32

Вадим Лалиев: Роман Дмитриев турнира ыччакка суолу аһар

08:41, 09 марта 2016
Текст:

Хаһан эрэ Вадим Лалиев Россия хамаандатыгар киирсэн Роман Дмитриевка дьарыктаммыта. Россия, аан дойду түһүлгэлэригэр тахсан, бастаталаан наставнигын үөрдэрэ. Билигин 35 саастаах Лалиев дойдулар икки ардыларынааҕы кылаастаах спорт маастара, көҥүл тустууга Россия юниордарын сүүмэрдэммит хамаандатын тренерэ. 


Бу да сырыыга хамаандатын бэйэтэ иилээн-саҕалаан илдьэ кэлэ сырытта. Ол туһунан маннык кэпсиир:

Бастыҥнартан бастыҥнар кытыннылар. Россия 2015 сыллааҕы боруонса призера, Россия 2015 сыллааҕы кыһыҥҥы күрэхтэһиитин кыайыылааҕа  Никита Сучков (74), Европа 2015 сыллааҕы кыайыылааҕа Юрий Власко (96 кг) олус үчүгэйдик туһуннулар. Биһиги Адлерга сборданан баран кэлбиппит. Төһө да адаптацияны ааһыы ыарахаттардааҕын иһин, эрэлбит туолла.

Россия күрэҕин призера, континеннар икки ардыларынааҕы 2015 сыллааҕы Кубок үрүҥ көмүс призера Магомедрасул Идрисов, Россия күһүҥҥү күрэхтэһиитин кыайыылааҕа уонна Россия 2015 сыллааҕы күрэхтэһиитин үрүҥ көмүс призера Сулейман Омаров кыайан туруктарыгар киирэн биэрбэккэ, элбэҕи куоттардылар. Ырытыы оҥордубут. 

Тэрээһин үчүгэй. Өрөспүүбүлүкэ салалтатыгар, спорт министиэристибэтигэр, тустуу федерациятыгар махтанабыт. 

Роман Дмитриев Саха сиригэр, Россияҕа спорка улахан көрдөрүүнү оҥорбут киһинэн буолар. Мин кинини тус билэрбинэн, алтыһан ааспыппынан киэн туттабын. Кини миигин элбэххэ үөрэппитэ. Ол иһин кини аатынан турнирга кыттарбыттан дьоллоохпун. 

0
0
19 января 19.01
  • -48°
  • $ 73,82
  • 83,32