24 От ыйа 24.07
  • 28°
  • $ 87,3
  • 95,46

Уус-Алдан улууһа 2022 сыллааҕы Саха сирин норуоттарын спортивнай оонньууларыгар бэлэмнэнэр

15:20, 16 декабря 2021
Читайте нас на
Яндекс Новости
ЯДВ

2022 сыллааҕы Саха сирин  норуоттарын спортивнай оонньууларын үөрүүлээх арыллыытын уонна сабыллыытын тэрийэр  бөлөх Уус-Алдан улууһугар ыалдьыттаата. Оонньуу өрөгөйдөөх чааһын режиссерунан Саха государственнай циркэтин директора Сергей Расторгуев буолуоҕа диэн улуус дьаһалтатын пресс- сулууспата иһитиннэрэр.

Уус- Алдан улууһугар бара сылдьан, тэрийэр бөлөх култуура уонна сынньалаҥ тэрилтэлэрин испэсэлиистэрин,  улуус уопсастыбаннай тэрилтэлэрин салайааччыларын кытта көрүстэ. Көрсүһүүгэ уус-уран тэрээһин боппуруостарын ырыттылар.

Саха сирин норуоттарын оонньууларын арыллыыта уонна сабыллыыта, биллэн турар, чаҕылхайдык ааһыахтаах. Тэрээһини көрөн дьон төрөөбүт дойдутунан киэн туттуохтаах, сомоҕолоһуу туһунан саныахтаах.

Тэрийэр бөлөх Уус- Алдан улууһун култууратын үлэһиттэрин кытта үөрүүлээх тэрээһини былааннаатылар, ол иһигэр техническэй уонна айар түгэннэрин сиһилии дьүүллэстилэр.

Следите за самым важным и интересным в Telegram-канале и WhatsApp-группе ЯСИА