25 Тохсунньу 25.01
  • -48°
  • $ 73,82
  • 83,32

Усуйаанаҕа "Татайка" кээпэрэтиип 18 туонна күндүөбэйи бултаата

Усуйаана улууһугар Дьааҥы эбэҕэ бу күннэргэ балыктааһын түмүктэнэр. Казачье чугаһынан Добура учаастакка «Татайка» община балыксыттара күндүөбэйгэ квотаны толороллор.

Балыксыттар биригэдьиирдэрэ Дмитрий Сыроватскай хамаандатын үлэтинэн киэн туттар.

«Кэлэктиип бастайааннай, бары олус үлэһиттэр, уопуттаахтар. Соругу толоробут. Күндүөбэйбитин куруук «Фактории и К» тэрилтэҕэ туттарабыт», — диир кини.

Эдэр балыксыттары үлэ бэтэрээнэ Александра Николаевна Сыроватская үлэҕэ көҕүлүүр. Кини уолаттарын уонна сиэннэрин кытта тэҥҥэ сылдьар. Сүбэлиир, санааларын көтөҕөр.

Биригээдэҕэ уһун кэмҥэ Александр Сыроватский, настаабынньык Сергей Харлампьевич Томский, Сергей Макаров үлэлииллэр.

«Быйыл балаҕан ыйын саҕаланыыта эбэҕэ элбэх уулаах буолан, кыһалҕалана сылдьыбыппыт. Ити эрээри биригээдэ сорудаҕы толордо — 18 туонна күндүөбэйи бултаатыбыт. Билигин муус аннынааҕы балыктааһыҥҥа бэлэмнэнэбит», — диир Екатерина Макарова, «Татайка» община баһылыга.

Ааптар: Иван АНДРЕЕВ

0
0
25 января 25.01
  • -48°
  • $ 73,82
  • 83,32