Дьокуускайга уматык сыаната саҥардылынна. Оннук хамсааһын Арассыыйа үгүс эрэгийиэнигэр эмиэ бэлиэтэнэр. Ырыынак кыттыылаахтарын санаатынан, сыана хамсааһыныгар кууһунан сыана үрдээһинэ, логистика ороскуота уонна сезоннай наадыйыы дьайаллар.
2026 сыл алтынньы 5 күнүнээҕи Дьокуускай АЗС-н сыаналара:
«Саханефтегазсбыт»:
— АИ-92 — 99,5 солк.
— АИ-95 — 102 солк.
— АИ-98 — 111 солк.
— ДТ — 120 солк.
«Туймаада-Нефть»:
— АИ-92 — уматык каарталарынан
— АИ-95 — 105 солк.
— АИ-98 — 110 солк.
— ДТ — 106 солк.
«СибОйл»:
— АИ-92 — уматык каарталарынан
— АИ-92 эффект — 98 солк.
— АИ-95 — 99 солк.
— АИ-98 — 128 солк.
— ДТ — 120 солк.
Атын эрэгийиэннэргэ хайдаҕый
Росстат 2026 сыл балаҕан ыйын бүтүүтүнээҕи дааннайынан, дойдуга уматык орто сыаната:
— АИ-92: 74,51 солк./лиитрэ
— АИ-95: 80,80 солк./лиитрэ
— Дизельнэй уматык: 86,77 солк./лиитрэ
2026 сыл саҕаланыаҕыттан Арассыыйаҕа бэнсиин сыаната 21,1% үрдээбит, бу уопсай инфляция таһымыттан биллэ үрдүк.
Дойдуга сыана тахсыыта олус улахан — АИ-92 лиитрэтэ 62 солкуобайтан 125 солкуобайга диэри. Саамай үрдүк көрдөрүүлэртэн биирдэстэрэ Дагестаан Өрөспүүбүлүкэтигэр бэлиэтэнэр: АИ-92 — 125 солк. кэриҥэ, АИ-95 — 130 солк. кэриҥэ.
Сыана үрдээһинин таһынан, сорох субъектарга, Саха сиригэр курдук, уматык тиийбэтэ уонна кинини биэриигэ хааччахтар киирбиттэрэ көстөр. Санкт-Петербурга уонна Ленинград уобалаһыгар АИ-95 тиийбэтэ салҕанар. Нижегородскай, Свердловскай, Волгоградскай уобаластарга массыыналаахтар сабыллыбыт АЗС-тары, уочараттары уонна уматыгы биэриигэ лимииттэри көрсөллөр.
