Алтынньы 2 күнүгэр Дьокуускайга «Туймаада-Нефть» сапараапкалыыр ыстаансыйаларыгар бэнсиин сыаната үрдээтэ. Ордук үрдээһин АИ-95 уматыкка көстөр, 9 солк эбилиннэ. Информацияны хампаанньа бэрэстэбиитэллэрэ ЯСИА-ҕа бигэргэттилэр.
«Туймаада-Нефть» АЗС саҥа сыаналара:
АИ-95 — 105 солк (+9 солк.);
АИ-92 — 99 солк (+3 солк.);
ДТ — 106 солк (уларыйыыта суох).
Санатан эттэххэ, Саха сирин баһылыга Айсен Николаев балаҕан ыйын 27 күнүгэр «Быһа линияҕа» саҥа кэлии уматык сыаната үрдээбитинэн сибээстээн, эрэгийиэҥҥэ уматык сыаната сотору үрдүүрүн иһитиннэрбитэ.
Саха сирин уонна да атын регионнары уматыгынан хааччыйыы балаһыанньата, ниэби оҥорон таһаарар собуоттарга, ВСУ салгыы саба түһүүлэрин кытта сибээстээх. Төһө да уустук быһыы-майгы буоллар, өрөспүүбүлүкэ Арктикатыгар бензин, дизельнэй уматык уонна авиацияҕа уматык толору тиэйилиннэ.
