Саха сиринээҕи УГМС тымныылар түһэн эрэллэрин биллэрэр. Атырдьах ыйын 2 күнүгэр түүн арҕаа, соҕуруулуу-арҕаа уонна киин улуустарга намыһах сирдэринэн -1 кыраадыс, тоҥоруу буоларын иһитиннэрдилэр. Хоту, хотугулуу-арҕаа оройуоттарга -3 кыраадыска тиийэ тымныйыаҕа.
Дьокуускайга бээтинсэ буолар түүнүгэр +4…+6. Күнүс +18…+20.
Халыма-Индигир оройуоннарыгар наҕыл ардах. Күнүс Арктика тардыытынан, Өлөөҥҥө, Нерюнгрига, Алдан арҕаа өттүгэр, Өлүөхүмэ соҕуруу туһаайыытыгар быстах ардах. Атын улуустарга сөҥүү түһэрэ күүтүллүбэт.
