24 Ыам ыйа 24.05
  • -7°
  • $ 104,68
  • 115,6

Саха сирин теннисистара Уһук Илин чемпионатыгар мэтээллэри иилиннилэр

15:01, 24 января
Текст:

Уссурийск куоракка тохсунньу 19 — 23 күннэригэр остуол тенниһигэр Уһук Илиҥҥи уокурук биирдиилээн уонна хамаанданан кыайыы иһин чемпионата ыытылынна. Магадан, Сахалин уобаластарыттан, Хабаровскай, Приморскай, Забайкальскай кыраайдартан, Бурятия уонна Саха Өрөспүүбүлүкэлэриттэн күүстээх хамаандалар кытыннылар, суруйар «Спорт Якутии».

Саха сирин сүүмэрдэммит хамаандата толору састаабынан кытынна уонна мэтээллэри иилиннэ.

Биирдиилээн бастыыр иһин киирсиигэ өрөспүүбүлүкэ чемпионката, Россия спордун маастарыгар кандидат Ольга Тихонова боруонса мэтээли кэттэ.

Пааранан киирсиигэ Василий Румянцев уонна Ньургун Сабарайкин иккис буоллулар. Владислав Тимофеев Архангельскайтан Павел Тарутинныын үһүскэ таҕыстылар.

Хамаанданан күрэхтэһиигэ эр дьон уонна дьахталлар хамаандалара үһүстээтилэр. Эр дьон хамаандата: Румянцев Василий, Сабарайкин Ньургун, Кылабысов Михаил, Владимиров Константин уонна Капитонов Богдан. Дьахталлар хамаандалара: Тихонова Ольга, Ноговицына Анита, Петрова Айыына, Федорова Арина уонна Аммосова Надежда.

Түмүк:

Эр дьон:

1 м — Приморскай кыраай;

2 м — Бурятия;

3 м — Саха сирэ;

3 м — Сахалин.

Дьахталлар:

1 м — Забайкальскай кыраай;

2 м — Приморскай кыраай;

3 м — Саха сирэ;

3 м — Хабаровскай кыраай.

Следите за самым важным и интересным в Telegram-канале и WhatsApp-группе ЯСИА
0
0