Саха сирин бырабыыталыстыбата бу сыл III кыбаарталыгар тиийинэн олоруу алын кээмэйин 17 877 солкуобайынан бигэргэттэ.
Үлэ миниистирэ Елена Волкова ас сыаната өрөспүүбүлүкэ үрдүнэн 0,3% үрдээн, 7 921 солк тэҥнэспитин эттэ. Продовольственнайа суох табаар сыаната 3 994 солк, төлөбүрдээх өҥө — 4 786 солкуобайга тэҥнэспит.
Тиийинэн олоруу алын кээмэйэ ити көрдөрүүлэргэ олоҕуран оҥоһуллар.
Былырыыҥҥыга холоотоххо тиийинэн олоруу алын кээмэйэ 2,9% үрдээбит. Инньэ гынан, биир киһиэхэ тиийинэн олоруу алын кээмэйэ 17 877 солкуобайга тэҥнэстэ, үлэһит дьоҥҥо— 18 930 солк, биэнсийэлээхтэргэ — 14 362 солк, оҕолорго — 18 612 солк.
