Камчатскай кыраай, Петропавловск-Камчатскай куоратыгар, муус устар 10-17 күннэригэр хотугу многоборьеҕа Россияҕа бастыыр иһин чемпионат буолан ааста. Манна 8 регионтан 71 спортсмен күөн көрүстэ.
Саха сирин сүүмэрдэммит хамаандатын кытта, Үрүҥ Хайа орто оскуолатын 8 кылааһын үөрэнээччилэрэ Туприн Вадим уонна Попова Кэрэчээнэ тиийэн күрэхтэстилэр.
Туприн Вадим маамыкта быраҕыытыгар 3 миэстэни, сүгэ быраҕыытыгар 3 миэстэни, наарта үрдүнэн ыстаныыга 3 миэстэни ылары ситистэ. Многоборье түмүгүнэн күрэхтэһиигэ үһүс буолла.
Попова Кэрэчээнэ наарта үрдүнэн ыстаныыга бастаата. Саха сирин сүүмэрдэммит хамаандата бу күрэхтэһиигэ 6 мэтээли бэйэтин туһатыгар сурунна.
Ааптар: Евгений Константинов, Анаабыр улууһа
