Өрөспүүбүлүкэ үрдүнэн 28 ойуур баһаарын умуруорууга үлэлэһэллэр, онтон сэттэтэ бохсулунна. Бу туһунан экология харыстабылын министиэристибэтин пресс-сулууспатыгар сигэнэн, СИА иһитиннэрэр.
Уот 1 435,10 га сири сиэтэ. Ааспыт сууккаҕа Намҥа, Тааттаҕа, Уус-Алдаҥҥа, Горнайга түөрт, ыраах сытар сирдэргэ 27 ойуур баһаарын умуруордулар. Уоту умулуннарыыга 781 киһи, 56 техника үлэлээтэ.
Ыраах сытар 340 739 га иэннээх сиргэ 53 уот көрдүгэнэ баара биллэр. Балары космическэй сириэстибэлэринэн кэтииллэр.
Баһаардар нэһилиэктэргэ, экономика эбийиэктэригэр суоһаабаттар.
Экология министиэристибэтэ ойуурга уот көрдүгэнин көрбүт буоллаххытына 8-4112-44-74-76 эбэтэр 8-800-100-94-00 нүөмэрдэргэ эрийэн биллэрэргитигэр көрдөһөр. Ойуурга уоту сэрэхтээхтик туттаргытыгар ыҥырар.
