СӨ култуураҕа уонна духуобунай сайдыыга министиэристибэ бирикээһинэн, Ойуунускай аатынан Саха академическай театрын салайааччытынан Петр Тимофеевич Макаров ананна. Биэдэмистибэ пресс-сулууспатыгар сигэнэн СИА суруйар.
Петр Тимофеевич Макаров 1981 сыл атырдьах ыйын 12 күнүгэр Улахан-Аан с., Орджоникидзевскай оройуонугар, Саха АССР төрөөбүтэ.
2002 с. М.С. Щепкин аатынан үрдүкү театральнай училищены бүтэрбитэ. 2017 с. — Москватааҕы Г.Г. Дадамян аатынан сценическай искусство деятеллэрин оскуолата.
2002 сылтан саҕалаан Саха театрын артыыһа, сүрүн боппуруостарга дириэктэри солбуйааччы.
Театры 1998 сылтан салайбыт РФ үтүөлээх артыыһа, СӨ норуодунай артыыһа Анатолий Павлович Николаев, бэйэтин тус баҕатынан, дуоһунаһыттан 2020 сыл муус устар 20 күнүгэр босхоломмута.
