Эдьигээн улууһун Лииндэ нэһилиэгэр саҥа спортивнай былаһаакка үлэтин саҕалаата. Манна путбол буолатын сэргэ эрчиллэр тренажердар туруорулуннулар. Аттыгар оҕо оонньуур сирэ оҥоһулунна.
Лииндэ нэһилиэгэ «Олохтоох көҕүлээһиннэри өйөөһүн» бырагырааманан 1 мөл. 700 тыһ солк ылбыта. Онон, былаан быһыытынан, бу саҥа спортивнай былаһаакка олохтоохторго анаан оҥоһулунна.
Былаһаакканы арыйыы күнүгэр оскуола үөрэнээччилэригэр эстафета ыытылынна, оттон улахан дьоҥҥо — путбол, суруйда «Эдьигээн сонуннара» хаһыат.
