17 Балаҕан ыйа 17.09
  • 19°
  • $ 73,19
  • 86,89

Кэмпэндээйитээҕи пааркаҕа эһиил эбии 10 ыччат бизону аҕалыахтара

13:01, 10 сентября
Текст:

Кэмпэндээйигэ Дьокуускай куораттан биологическай ресурсалар департаменнарыттан бэрэстэбиитэллэр үлэлииллэр. Кинилэр Тумара бизопааркатыгар баар 10 бизоҥҥа спутниковай чиптары кэтэрдэллэр.

Сунтаар улууһугар иитиллэн турар бизоннарга спутниковай тэриллэри ииллэхтэринэ, кыыллар ханна, хайдах сылдьалларын исписэлиистэр кэтээн көрө олоруохтара.

Санатар буоллахха, бу бизоннары былырыын Сунтаар улууһун дьаһалтата экологическай хайысха бырагырааматын чэрчитинэн, Горнай улууһуттан Тыымпынайтан аҕалтарбыта. Бизопааркаҕа икки киһи вахтанан үлэлиир. Кинилэри Кэмпэндээйи олохтооҕо Виктор Иванов салайар. База тутуута сылтан сыл кэҥээн, сайдан иһэр. Канадскай саҥа олорор дьиэлээхтэр, баанньыктаахтар, икки буоксалаах гараастаахтар.

Быйыл күһүн астарын хаһаанар эбийиэк оҥостуохтаахтар, 1 килэмиэтир уһуннаах күрүө тутуохтаахтар. «Эһиил муус устарга өссө 10 ыччат саастаах бизон кэлэрин кэтэһэбит«, — диэтэ Кэмпэндээйи нэһилиэгин баһылыга Александр Игнатьев, суруйда Иван Чагдинскай.

17 сентября 17.09
  • 19°
  • $ 73,19
  • 86,89