М. К. Аммосов аатынан ХИФУ ректора Анатолий Николаев иһитиннэрбитинэн, устудьуоннар ыраахтан үөрэниилэриттэн искэ көһүүлэрэ үс түһүмэхтэн туруоҕа. Бастакынан «очнайга» медицина институтун үрдүкү кууруһа хабыллыаҕа, суруйар СИА.
«Үгэскэ кубулуйбут истэн үөрэтиигэ устудьуону барытын көһөрүү тута кыаллыбат. Инструкциялар, эбиилэр, сыһыарыылар, кыраапык оҥоһуллара ирдэнэр», — диэтэ Анатолий Николаев. Кини бэлиэтээбитинэн, эпидемиологическай балаһыанньанан, истэн үөрэниигэ көһүү үс түһүмэххэ араарыллар.
Бастакы түһүмэххэ медицина институтун үрдүкү кууруһун устудьуоннара хабыллаллар — 3-4 куурустар, бакалавриат уонна 4-6 куурустар, исписэлиистэр.
Иккис түһүмэххэ инженерно-техническай уонна естественнай хайысхалаах идэлэргэ үөрэнэр үрдүкү куурустар, кинилэри сэргэ медиктар — кыра куурустар.
Үһүскэ — инженерно-техническай уонна естественнай хайысхаларга үөрэнэр кыра куурустар уонна гуманитарийдар.
Билигин олунньу 6 күнүгэр диэри тэйиччиттэн олорон үөрэниигэ бирикээс баар. Салайааччы этэринэн, бу болдьох уһуон сөп.
Бэлиэтээн эттэххэ, университет 18 тыһ усутудьуоннаах, онтон 14 000-та — «очниктар».
