«2024 сылга Саха сиригэр 300 процедура оҥоһулунна. Тэҥнэбилгэ, 2013 сылга бу сыыппара 60 тэҥ. Аныгы медицина технологиятын туттуу үрдээбитинэн, ЭКО ахсаана эрэ элбээбэтэ, туолуутун көрдөрүүтэ эмиэ эбилиннэ. Кэнники сылларга 30% буолла», – доруобуйа харыстабылын министиэристибэтигэр эттилэр.
Процедураны перинатальнай кииҥҥэ 2001 сылга саҕалаабыттара. Уһук Илиҥҥэ Саха сирэ биир бастакынан экстракорпоральнай үөскэтиини оҥорбута. Билигин М.Е. Николаев аатынан медицина киинигэр былааны эбэн иһэллэр.
Саҥа национальнай бырайыактар чэрчилэринэн, саха быраастара 350 ЭКО процедуратын былаанныыллар. Икки бүтэһик ыйга 50 оҥоһулунна.
«Сылын аайы төрүүр кыаҕа суох буолбут дьахтар ахсаана эбиллэр, онон ЭКО процедуратын ахсаана эбиллиэхтээх», – диэтэ миниистир солбуйааччыта Татьяна Павлова.
