Дьокуускайга «Октябрь 50 сыла» автострада Кыайыы Пааркатын оройуонун учаастагар массыына сырыыта быстах кэмҥэ хааччахтаныаҕа. Бу туһунан Саха сиринээҕи ТЭЦ пресс-сулууспата иһитиннэрдэ.
2026 сыл алтынньы 3 күнүттэн 4 күнэ буолар түүнүгэр, 21:00 чаастан сарсыарда 6:00 чааска диэри, «Октябрь 50 сыла» автострадаҕа Окружной шоссе эргимтэтиттэн Севастопольскай уулуссалыын быһа охсуһуутугар диэри сырыыны-айаны толору хааччахтыыр былааннаахтар.
Хаартыска: ЯСИА саайта
«Реконструкция магистральной тепловой сети 4Ду500 на 4Ду700» бырайыак чэрчитинэн үлэ ыытыллар. Хааччахтааһыны “Ураса Молл” АК таһыгар кырааннаах тиэхиньикэ итии ситим туорааһынын көтөҕөр уонна таҥар үлэтин кэмигэр тэрийиэхтэрэ. Дьаһал үлэ куттала суох ыытылларыгар анаан оҥоһуллар.
Тылбаас: Саргылана Слепцова
