Саха сирин «Управтодорун» үлэни тутар хамыыһыйата 62,8-тан 65,5 км диэри регионнааҕы суол өрөмүөннэммит учаастагын үлэттэ. Суол үлэтэ Россия президенэ Владимир Путин көҕүлээбит «Инфраструктура для жизни» национальнай бырайыагынан ыытылынна.
Икки араҥалаах аспаал-бетон бүрүөһүнү ууран өрөмүөннээһиҥҥэ «РИК Автодор» АК бэдэрээттэһэр тэрилтэтин исписэлиистэрэ суол ньуурун үйэтитэр аныгы технологиялары тутуннулар. Суол олоҕор портландцемент эбиллэн, щебень‑гравий‑кумах булкадыһыктаах тэҥниир араҥа кутуллан, суол үрүтүн өр алдьаммакка турарыгар кыаҕы биэрэр. Итини сэргэ ууну ыытар турба өрөмүөнэ оҥоһулунна.
Айаҥҥа куттал суох буолуутугар улахан болҕомто уурулунна: учаастакка 26 суол бэлиэтэ, 17 сигнал остуолбата уонна 1 055 п.м. мэһэй күрүө туруорулунна.
2,71 км уһуннаах учаастагы «Инфраструктура для жизни» национальнай бырайыагынан нуормаҕа киллэрии Хаҥалас улууһун нэһилиэнньэлээх пууннарыгар тиийэр айан суола куттала суох буоларыгар ананар.
«Умнас» өрөспүүбүлүкэтээҕи суолталаах массыына суола өрөспүүбүлүкэ суолларын тирэх ситимин сорҕото буолар. Кини тутаах хайысхаларга туруктаах айаныы хааччыйар: Дьокуускай — Тиит‑Арыы (171 км) уонна Ленскэй – Нүүйэ (95 км).
