Өрөспүүбүлүкэҕэ тиэйиинэн-таһыынан дьарыктанааччылар этиилэрин учуоттаан оҥоһуллубут саҥа модификациялаах Минскэйдээҕи массыына собуотун оптуобуһа кэлэр. Тиэхиньикэ тымныы кыһын услуобуйатыгар тургутууну ааһар. Ол Өрөспүүбүлүкэҕэ салҕыы туттуллар кыаҕын сыаналыырга көмөлөһөр. Ил Дархан Айсен Николаев Беларуська сылдьыытын кэмигэр Минскэйдээҕи массыына собуотун салайааччытын кытары көрсөн, тиэхиньикэни аҕалыы боппуруостарын ырытыстылар.
“Беларусь оҥорон таһаарар тиэхиньикэтэ Саха сирин бырамыысыланнаһын, тырааныспар уонна хомунаалнай эйгэлэригэр бэйэтин хаачыстыбатын үчүгэйдик көрдөрдө. Биһиэхэ тиэхиньикэ эрэбиллээх буолара, хаачыстыбалаах өҥөтө уонна сапчаастары тохтобула суох аҕалыыта ураты суолталаах. Саҥа оптуобус тургутуута Уһук Хоту усулуобуйатыгар салҕыы үлэҕэ туһаҕа тахсарын быһаарыыга көмөлөһүөҕэ”, — диэн Айсен Николаев бэлиэтээтэ.
Билигин Саха сиригэр 900 кэриҥэ БелАЗ маркатын тиэхиньикэтэ, 7000 кэриҥэ МТЗ “Беларусь” тыраахтара уонна 70 “Амкодар” тиэхиньикэтэ баар. Санкция уонна бэлиитикэ кэмигэр Беларусь тиэхиньикэтин суолтата үрдээн иһэр. 2017 сылтан Нерюнгри улууһугар Беркакит нэһилиэгэр улахан тырааныспардарга сиэрбис өҥөтүн оҥорор ООО ЦТП “БелАЗ-24” киин үлэлии турар.
Саха сирэ 2026-2028 сылларга Беларусь тиэхиньикэтин аҕалыыга чопчу сыал оҥоһуллубут. Ол тыа хаһаайыстыбатын, аэропорттарга уонна ОДьКХ анал тиэхиньикэтэ, суол тутуутун уонна хомунаалынай тэрил эмиэ киирэллэр.
Арассыыйа уонна Беларусь икки ардынааҕы үлэлэһии икки өттүлээх алтыһыы сүрүн хайысхалартан биирдэстэрэ буолар. Саха сирэ уонна Беларусь бииргэ үлэлээһинэ 1997 сыл от ыйын 1 күннээҕи атыы-эргиэн-экэниэмикэ уонна култуураҕа сыһыаннаах сөбүлэҥ буолар. 2024 сылга 2025-2028 сылларга сөбүлэҥи олоххо киллэриигэ илии баттаммыт. 2022 сыл от ыйыттан атыы-эргиэн экэниэмикэ хайысхатыгар икки өрүттээх үлэлиир бөлөх дьарыктанар. Саха сирин өттүттэн өрөспүүбүлүкэ АБ Бэрэсидьиэнин иһинэн турар куруук үлэлиир бэрэстэбиитэлистибэтэ, Беларусь өттүнэн – Өрөспүүбүлүкэ экэниэмикэтин министиэристибэтэ сүрүннүүр.
