2027 сыл олунньу 1 күнүттэн ийэ хапытаала бастакы оҕоҕо 778,5 тыһыынча солк, иккис оҕоҕо 1028,7 тыһыынча солк диэри улаатыаҕа, өскөтүн дьиэ кэргэн бастакы оҕоҕо ийэ хапытаалын ылбатах буоллаҕына. Иккис оҕо төрөөһүнүнэн эбии төлөбүр, өскөтүн бастакы оҕо 2020 сыл тохсунньу 1 күнүн кэнниттэн төрөөбүт буоллаҕына, 250,3 тыһыынча солк диэри улаатыаҕа.
Маны таһынан, оҕо төрөөһүнүнэн биирдэ бэриллэр босуобуйа олунньу 1 күнүттэн 30,4 тыһыынча солк диэри улаатыаҕа. Бу туһунан Арассыыйа Үлэ министиэристибэтин саайтыгар иһитиннэриллэр.
Арассыыйа Үлэ уонна социальнай харысхал миниистирэ Антон Котяков этэринэн, ийэ хапытаала сыл аайы олунньу 1 күнүттэн ааспыт сылга инфляция таһымыттан намыһаҕа суохтук индексацияланар. Инфляция 6,8% буолуо диэн сабаҕаланар. Ол түмүгэр ийэ хапытаалын кээмэйэ туһааннааҕынан 65,5 тыһыынча уонна 49,6 тыһыынча солк улаатыаҕа.
Санатар буоллахха, ийэ хапытаалын бырагыраамата «Дьиэ кэргэн» национальнай бырайыакка киирэр.
