«Полярные авиалинии» авиахампаанньа Саха сиригэр, ол иһигэр Арктика оройуоннарыгар, көтүүлэри толорорго 12 Ми-8МТВ-1 бөртөлүөтү туһанар. Массыыналар өрөспүүбүлүкэ сүрүн хайысхаларыгар үлэлииллэр уонна ыраах сытар нэһилиэнньэлээх пууннарга санитарнай авиация көтүүлэрин хааччыйаллар.
2025 сылга авиахампаанньа пааркатыгар «Вертолеты России» холдинг оҥорбут бөртөлүөттэрэ эбилиннилэр. Атыылаһыллыбыт тиэхиньикэлэр сорҕото санитарнай рейстэргэ аналлаахтар, ол көмөтүнэн ыраах уонна уустук суоллаах-иистээх сирдэргэ олорор дьоҥҥо мэдиссиинэ көмөтүн суһаллык тиэрдэллэр.
Ми-8МТВ-1 Уһук Хоту ыарахан усулуобуйаларыгар үлэлииргэ аналлаахтар. Бу мадьыал сүрүн тиэхиньиичэскэй уратыта — ырааҕы көтөр, мотуора күүһүрдэ, тиэйэр таһаҕаһын кээмэйэ улаатта уонна мууһунан да бүрүллүбүт сиргэ олорор кыахтанна.
«Ыраах сэлиэнньэлэргэ санитарнай авиация олус наада. Кимҥэ эрэ суһал көмө наада буоллаҕына, бөртөлүөт быраастары аҕалар эбэтэр ыарыһах балыыһаҕа тиэрдиллэр. Онон биһиэхэ санавиацияҕа эрэллээх тиэхиньикэ баара улахан суолталаах», — диэтэ Саха сирин олохтооҕо Егор Семёнов.
Бөртөлүөттэр пааркаларын саҥардыы Саха сирин Арктикатын оройуоннарыгар тырааныспар сибээһин тупсарарга көмөлөһөр. Авиасибээһи сайыннарыы Арассыыйа бэрэсидьиэнэ Владимир Путин сорудаҕынан олоххо киирэр «Эффективная транспортная система» национальнай бырайыак соруктарыгар эппиэттиир.
